पुणे, दि. 29 मे : लोणी काळभोर (ता. हवेली) येथील ग्राम महसूल अधिकारी यांना एका प्रकरणात एक लाख रुपयांची लाच स्वीकारताना अँटी करप्शन ब्युरो (ACB) पुणे विभागाने रंगेहाथ पकडले. या कारवाईमुळे महसूल विभागात खळबळ उडाली आहे.
अँटी करप्शन ब्युरोने दिलेल्या माहितीनुसार, तक्रारदाराच्या शेतीसंदर्भातील प्रकरण निकाली काढण्यासाठी संबंधित अधिकाऱ्याने सुरुवातीला दोन लाख रुपयांची लाच मागितली होती. पडताळणीनंतर तडजोडीअंती एक लाख रुपयांची रक्कम स्वीकारण्याचे ठरले होते.
यानंतर तक्रारदाराने अँटी करप्शन ब्युरोकडे तक्रार दाखल केली. तक्रारीची पडताळणी करून 2 मे 2026 रोजी सापळा रचण्यात आला. त्यावेळी संबंधित ग्राम महसूल अधिकारी यांना एक लाख रुपयांची लाच स्वीकारताना ACB च्या पथकाने रंगेहाथ अटक केली.
या प्रकरणी भ्रष्टाचार प्रतिबंधक अधिनियम 1988 अंतर्गत गुन्हा दाखल करण्यात आला असून पुढील तपास सुरू आहे. अँटी करप्शन ब्युरोच्या अधिकाऱ्यांनी नागरिकांना कोणत्याही शासकीय कामासाठी लाच मागितल्यास तात्काळ तक्रार करण्याचे आवाहन केले आहे.
दरम्यान, या कारवाईमुळे महसूल विभागातील भ्रष्टाचाराविरोधात ACB ची कारवाई अधिक तीव्र होणार असल्याचे संकेत मिळत आहेत.
– PC वार्ता | पुणे ब्युरो